﻿TSHIFHINGA: AWARA 2ṋ
﻿Bammbiri iḽi ḽi na masiaṱari sumbe 7.
﻿GIREIDI 12
﻿PFESESANI
﻿KHETHEKANYO YA A: Zwibveledzwa zwa vhusiki (Maanea) 
﻿KHETHEKANYO YA B: Zwibveledzwa zwilapfu zwa vhudavhidzani 
﻿KHETHEKANYO YA C: Zwibveledzwa zwipfufhi zwa vhudavhidzani 
﻿Ni lavhelelwa u fhindula mbudziso nthihikha khethekanyo ya A, nthihi kha khethekanyo ya B na nthihi kha khethekanyo ya C.
﻿Thomani khethekanyo iṅwe na iṅwe kha siaṱari ḽiswa, hune ya fhelela hone ni talele.
﻿Ṅwalani zwi no vhalea, nahone nga vhuronwane.
﻿Ni dzhiele nzhele mupeleṱo, khethekanyo ya maipfi, kushumisele kwa madanzi, zwiga zwa u vhala na tswayo khathihi na kuvhumbelwe kwa mafhungo.
﻿U pulana na u sedzulusa mushumo waṋu zwavhuḓi zwi ḓo avhelwa maraga.
﻿Vhulapfu ha zwibveledzwa:
﻿KHETHEKANYO YA A: Maipfi a u bva kha 350 u swika 400
﻿KHETHEKANYO YA B: Maipfi a u bva kha 180 u swika 200 (zwi re ngomu fhedzi)
﻿KHETHEKANYO YA C: Maipfi a u bva kha 100 u swika 120
﻿KHETHEKANYO YA A: ZWIBVELEDZWA ZWA VHUSIKI (MAANEA)
﻿Fhindulani mbudziso nthihi kha dza rathi dzi tevhelaho. Vhulapfu ha phindulo yaṋu vhu vhe maipfi a u bva kha 350 u ya kha 400.
﻿MAANEA A U BULETSHEDZA
﻿KANA
﻿MAANEA A NGANETSHELO
﻿No vha no ya khothe u thetshelesa mulandu wa murathu waṋu we a farelwa u rwa muṅwe. Musi ni henefho ha mbo ḓi sengwa muṅwe mulandu we na pfa u tshi ni takadza vhukuma. Ṅwalani maanea nga ṱhoho:
﻿Mulandu we wa sengwa wa ntakadza.
﻿KANA
﻿MAANEA A TSENGULUSO
﻿Vhunzhi ha vhaswa musi vho no vuledza pfunzo dzavho vha a ṱoḓa mishumo vha si i wane. Inwi ni vhona unga hu nga itwa mini u fhelisa thaidzo iyi? Ṱhoho ya maanea nga i vhe hei:
﻿Zwine vhaswa vha nga ita uri vha wane mishumo.
﻿KANA
﻿MAANEA A U HASELEDZA
﻿Kuhumbulele kwa vhatholi kwo fhambana. Hu na vhatholi vhane vha ri vhashumi vhavhuḓi ndi vhane vha vha na tshenzhemo, ngeno vhaṅwe vha tshi ri vhashumi vhavhuḓi ndi vhane vha vha na ndalukanyo. Ṅwalani maanea nga ṱhoho hei:
﻿Vhashumi vha re na tshenzhemo vha khwiṋe u fhirisa vha re na ndalukanyo.
﻿KANA
﻿MAANEA A KHUMBULELWA
﻿Ḓuvha ḽe Afrika Tshipembe ḽa wina u farelwa khaḽo mitambo ya bola ya milenzhe nga 2010.
﻿KANA
﻿MAANEA A U ṰAṰA KHANI
﻿KHETHEKANYO YA B: ZWIBVELEDZWA ZWILAPFU ZWA VHUDAVHIDZANI
﻿Fhindulani mbudziso nthihikha nṋa dzi tevhelaho. Vhulapfu ha phindulo yaṋu vhu vhe maipfi a u bva kha 180 u ya kha 200.
﻿VHURIFHI HA TSHISHAKA
﻿No dzhenela muṱaṱisano wa lunako wa ḽiisela no imelela tshikolo tsha haṋu, na dzhia vhuimo ha u thoma, na pfufhiwa nga bege na R10 000. Zwino inwi ṅwalani vhurifhi ni ḓivhadze khonani yaṋu, ni mu ḓivhadze nga ha khonṱiraka ye na i wana kha vha DSTVna zwoṱhe zwine na ḓo ita nga masheleni ayo na zwe na fulufhedzisa u itela lushaka.
﻿KANA
﻿VHURIFHI HA TSHIOFISI
﻿KANA
﻿Nga 2010 ḽifhasi ḽoṱhe ḽi ḓo vha ḽi fhano ḽi tshi khou ṱalela mitambo ya bola. Zwine zwa khou ofhisa ndi vhugevhenga vhune naho vhu tshi khou lwiwanaho ha sa tou tenda u fhela tshoṱhe. Ṅwalani atikili ya gurannḓa ni ṋee mihumbulo yaṋu nga zwine zwa nga itwa u fhelisa tshoṱhe vhugevhenga.
﻿KANA
﻿NGANEAVHUTSHILO
﻿Khonani yaṋu ya mbiluni o lovha nga khombo ya u tshaisiwa nga moḓoro. Sa khonani, vha muṱa vho ni dzhenisa kha komiti ya u dzudzanya mbulungo yawe. Tshaṋu tshiteṅwa nga ḓuvha ḽa mbulungo tshi ḓo vha tsha u vhala nganeavhutshilo ya mufu. Ni tshi khou shumisa nḓivho yaṋu na ya mashaka, ṅwalani nganeavhutshilo ya mufu ine na ḓo i vhala nga ḓuvha ḽa mbulungo.
﻿KHETHEKANYO YA C: ZWIBVELEDZWA ZWIPFUFHI ZWA VHUDAVHIDZANI
﻿Fhindulani mbudziso nthihi kha tharu dzi tevhelaho. Vhulapfu ha hone vhu tea u vha vhukati ha maipfi a 100 u ya kha 120.
﻿KHUNGEDZELO
﻿Muḓini wa haṋu hu na bisi ntswa yo rengwaho. Ṅwalani khungedzelo ine ya ḓo ita uri vhathu vha ḓivhe nga hayo na tshumelo ine ya ḓo i ṋekedza kha vhathu. Musi ni tshi ṅwala ni londe milayo ya u kungedzela i tevhelaho:
﻿I fanela u ita uri vhathu vha i ṱalele
﻿U ṱuṱula/dzikusa dzangalelo ḽa vhaṱaleli
﻿U karusa lutamo luhulu
﻿U ita uri muthu a dzhie ḽiga
﻿KANA
﻿MASIA
﻿Ṅwana wa mukomana waṋu u khou ḓa u ni humbela tshikoloni malugana na zwiṅwe zwo iteaho. Zwino ha hu ḓivhi zwavhuḓi. Inwi mu laedzeni uri a tshimbilise hani u bva ha haṋu u swika tshikoloni. Ni mu laedze na ofisi ya ṱhohoyatshikolo ine a fanela u swikela khayo.
﻿KANA
﻿ṰHANGANYELO YA KHETHEKANYO IYI YA C:
